Бидний тухай

Бидний тухай

Бидний Үнэт зүйлс

• Аюулгүй ажиллагаа, эрүүл мэнд, байгаль орчин

• Харилцагч, үйлчлүүлэгч нар

• Баг, хамт олон

• Идэвх санаачлага - Байнгын сайжруулалт

• Бизнесийн ёс зүй

Бидний Алсын хараа

Авто тээврийн үйлчилгээг дэлхийн түвшинд хүргэнэ.

Бидний Эрхэм зорилго

Авто тээврийн үйлчилгээг мэргэжлийн түвшинд үзүүлнэ

Бид юу хийдэг вэ? Бидний тухай

“Ханбогд хурд’’ ХХК нь 2012 онд үүсгэн байгуулагдсан бөгөөд 2013 оноос “Оюу толгой” ХХК-тай хамтран ажиллаж эхэлсэн. Өнөөдрийн байдлаар “Оюу толгой” ХХК-ийн тээврийн хэлтэс, далд уурхайн хэлтэс, далд уурхайн агуулах, Улаанбаатар хот дахь тээврийн хэлтэс, гэрээт ханган нийлүүлэгч байгууллагуудад зорчигч болон операторын тусгай үйлчилгээ, хүний нөөцийн менежментийн үйлчилгээг үзүүлж байна.

“Ханбогд Хурд’’ ХХК нь зорчигч болон ачаа тээврийн үйлчилгээ, аж ахуйн авто тээврийн үйлчилгээ, тусгай үйлчилгээ, авто засвар үйлчилгээ, хүний нөөцийн сургалт болон гэрээт үйлчилгээ зэрэг олон талт үйл ажиллагааг эрхлэн явуулж байна.

Бид “Оюу Толгой Camp”-ийн зорчигч тээврийн үйлчилгээнд:

  • Орчин үеийн цахим хяналтын систем бүхий түлш, хурдны GPS-ээр иж бүрэн тоноглогдсон “Ханбогд Хурд” компанийн 33 тээврийн хэрэгсэл
  • “Оюу Толгой” ХХК-ийн орчин үеийн цахим хяналтын систем бүхий хурдны GPS болон камераар иж бүрэн тоноглогдсон 37-н тээврийн хэрэгсэл, нийт 70 тээврийн хэрэгслээр үйлчилж байна.

Үүнд:

  • Зочдын буюу VIP үйлчилгээнд: NISSAN PATROL, INFINITY, LAND CRUISER 200 маркийн тээврийн хэрэгслүүд
  • Зорчигчийн үйлчилгээнд: КАМАЗ автобус, SKANIA маркийн камаз автобус, HYUNDAI, YUTONG маркийн том оврын автобус, TRANSIT маркийн бага оврын автобус, LAND CRUISER 76 суудлын тээврийн хэрэгслүүд
  • Тусгай үйлчилгээнд: SOS эмнэлгийн үйлчилгээнд LAND CRUISER 76 суудлын тээврийн хэрэгсэл, КАМАЗ автобус
  • Аж ахуйн авто тээврийн үйлчилгээнд: NORTH BENZ маркийн авто машин, КАМАЗ маркийн тээврийн хэрэгслүүдээр үйлчилдэг.

Бид үйл ажиллагаандаа Дэлхийн томоохон уул уурхайн компани “Rio Tinto”-ийн “Тээврийн хэрэгсэл ба жолоодлогын С-3 аюулгүй ажиллагааны стандарт”-ыг чанд даган мөрдөж үйл ажиллагаагаа явуулсны үр дүнд “Оюу Толгой” ХХК-аас сар тутмын “Гэрээ хэрэгжүүлэх чадварын үнэлгээ”-ний хурлаар манай компанийн ЭМААБО-ын ажлын үзүүлэлт тогтмол хангалттай түвшинд үнэлэгдэн ажиллаж байна.

Бид бүхий л үйл ажиллагаагаа Монгол Улсын хууль тогтоомжид нийцүүлэн явуулахын зэрэгцээ: ЭМААБО-ын оновчтой менежментийг хэрэгжүүлж, нийт ажилтны сургалт хөгжилд системтэйгээр хөрөнгө оруулж, үйл ажиллагаагаа тогтвортой хөгжүүлэх, ажлын байрыг олноор бий болгож, улмаар орон нутгийнхаа хөгжилд бодитой хувь нэмэр оруулах нь бидний эрхэм үүрэг билээ.

Менежментийн баг, хуулийн зөвлөх, санхүү, хүний нөөц, аюулгүй ажиллагааны баг болон тээвэр зохицуулагч, аяллын менежментийн зохицуулагч, мэргэшсэн жолооч нар, тусгай тоног төхөөрөмжийн операторууд, авто инженер, авто цахилгаанчин, авто механикуудаас бүрдсэн нийт 270 гаруй ажилтантай. Хүний нөөцийн 70-80%-ийг орон нутгийн ажилтнуудаар бүрдүүлэх бодлогыг барьж ажилладаг.